Mediat në Shqipëri e hanë forën ma të lodhur në internet – fake news me vallen e Tropojës

Vallja e Tropojës është një ndër vallëzimet më të famshme dhe të lashta të shqiptarëve.

Por, kjo valle është rikthyer të jetë trend edhe në kohët moderne nëpërmjet video memes – një koncept bashkëkohor i shakave në internet.

Madje një video meme e publikuar në rrjetet sociale së fundmi në internet, në të cilën shfaqet aktori fitues i çmimit Oscar, Jamie Foxx duke vallëzuar nën ritmet e Valles së Tropojës, i ka hutuar mediat në Shqipëri.

Aktori i njohur amerikan kërcen vallen e Tropojës në mes të emisionit on Vidnews.

Mediat online atje e kanë publikuar si lajm të vërtetë këtë shaka të rrjeteve sociale, ndonëse produkti i vërtetë i emisionit është krejt tjetër.

“Aktori i njohur amerikan kërcen vallen e Tropojës në emision (Video)”, shkruajnë mediat shqiptare.

Në fakt, Foxx, i paraqitur në emisionin “The Late Show with Stephen Collbert” në muajin maj të vitit 2018, kishte hyrë në emision duke vallëzuar nën shoqërinë e muzikës jazz të orkestrës së emisionit.

Kjo dëshmohet në videon e plotë të emisionit të drejtuar nga shoumeni dhe satiristi i njohur amerikan, Stephen Collbert, të publikuar në kanalin zyrtar të “The Late Show with Stephen Collbert” rreth një vit e gjysmë më parë.