Imami i xhamisë së fshatit Lupç të Podujevës, Zeqir Berisha është rrahur brutalisht mbrëmë nga tre vëllezër. Gazeta Insajderi mëson se personat të cilët e sulmuan Imanin e xhamisë janë Atdhe, Behar dhe Shkodran Murturi. BIK-u në Llap thanë për Insajderin se ka pasur ankesa prej hoxhës për tre sulmuesit.
Imami i xhamisë Zeqir Berisha, sipas burimeve të Insajderit i kishte lajmëruar në polici kohë më parë këta persona, për ngacmim dhe kërcënim, por që nga organet e rendit nuk janë ndërmarr hapa.
Këtë e ka konfirmuar për Gazetën Insajderi edhe kryetarit i Bashkësisë Islame në Podujevë, Mensur Hoti, i cili tha se imami ishte ankuar për personat ne fjale dhe se këshilli i BIK ne Llap i kishte njoftuar organet e rendit.
Kjo është gjendja shëndetësore e Imamit i cili u rrah nga tre vëllezër
Sipas, krytarti të BIK-ut ky rast eshte mjafte shqetesuese.
“Na si këshill jemi të shqetësuar me këtë çështje, për polic janë të njohur të dyshuarit që tashmë janë arrestuar. Kemi pasur dyshime për të njëjtit sepse ka pasur ankesa prej hoxhës, ne i kemi lajmëruar organet e rendit”, tha Hoti për Insajderi.
Tutje, Hoti tregoi se Këshilli i BIK do të mblidhet në ora 15:00 dhe do të dal me një njoftim për rastin.
