Merz kërkon pavarësinë nga SHBA-të

Kancelari gjerman Friedrich Merz ka bërë thirrje për më shumë pavarësi për sektorët strategjikë të Europës, për shkak të një marrëdhënieje të ndryshuar me SHBA-të.

Në takimin vjetor me operatorët e bursës së Frankfurtit, kancelari gjerman theksoi se raportet transatlantike kanë ndryshuar.

“Askush në këtë sallë nuk e thotë këtë me më shumë keqardhje sesa unë. Por nostalgjia dhe kujtimi i kohërave të shkuara nuk na ndihmojnë të ecim përpara.”

Komentet vijnë pas krisjes së fundit me Shtetet e Bashkuara për Groenlandën, çfarë është parë gjerësisht në Europë si një thirrje zgjimi.

Merz përmendi gjithashtu mundësitë ekzistuese të bashkëpunimit me vende të tjera të botës.

“Kudo përreth nesh ka shtete në zhvillim, kryesisht demokratike, me tregje në zgjerim që kërkojnë në mënyrë të qartë atë që ne europianët kemi për t’u ofruar: partneritete të bazuara në konsideratë dhe respekt të ndërsjellë, dhe në kushtin e rregullave dhe besueshmërisë.”

Pikërisht ky parim, sipas kancelarit gjerman, do ta bëjë Europën më sovrane, më të lirë dhe më të begatë ekonomikisht në një rend të ri botëror.

Përpjekjet e Presidentit të SHBA-ve, Donald Trump, për marrjen e territorit të Groenlandës kanë tronditur vendet europiane në muajt e fundit, duke shtyrë udhëheqësit të kërkojnë “zgjidhje” alternative përmes forcimit të marrëdhënieve me Indinë, Kinën apo vende të tjera.