Ministri shqiptar në takimin e NATO-s: Kosova nuk është gjysmë shteti, por shtet i plotë

Ministri i Mbrojtjes i Shqipërisë, Niko Peleshi, në takimin e ministrave të vendeve të Aleancës së NATO-s, në Bruksel, kërkoi bashkëpunim nga NATO, në rastet kur ushtria serbe i afrohet kufirit të Kosovës.

Përmes një statusi në Facebook, Peleshi ka thënë se Kosova nuk është as çerek shteti, as gjysmë shteti, por shtet në kuptimin e plotë të fjalës.

Postimi i plotë

Gjatë sesionit të bashkëpunimit NATO-BE në takimin e ministrave të Mbrojtjes së vendeve aleate në Bruksel – Të gjithë ne, në NATO apo edhe BE, duhet të jemi të kujdesshëm e të qartë e t’i ‘kalibrojmë’ mirë qasjet dhe deklaratat që të mos mbeten të paqarta, sidomos në situata si ajo e pak javëve më parë, kur ushtria serbe i afrohet kufirit të Kosovës. Kosova nuk është as çerek shteti, as gjysmë shteti, por shtet në kuptimin e plotë të fjalës.