Në Itali, moti i keq me shira të dendura bëhet shkak për shembjen e një segmenti të urës përgjatë autostradës Torino-Savona. Fatmirësisht nuk ka viktima. Për shkak të shirave të dendura, një pjesë e malit është shpëutur dhe ka rënë mbi urë, duke shembur një segment prej 30 metrash.
https://www.facebook.com/GaragePortofinoCapriccioli/videos/423514998535074/
Në vendgjarje kanë shkuar të parët zjarrfikësit të cilët e konstatuan gjendjen edhe përmes një helikopteri nga ajri. Segmenti i urës, që u shkëput mes dy këmbëve mbajtëse, ka shkaktuar një gropë afro 10 metra të thellë. Pjesa tjetër e urës mbi autostradë është e paprekur, e mbështetur në kollona, jo shumë larg pjesës së shembur.
Prefekti i Savonës thotë se deri tani nuk raportohen të ketë patur automjete në urë në momentin e shembjes.
Dëshmitarë të ngjarjes thonë se patën frikë mos përsëritej një tragjedi si ajo e urës Morandi në Xhenova, në 14 gusht të vitit 2018.Sipas prefektit të Savonës, dëmet shkojnë deri në 15 milionë euro sipas përllogaritjeve paraprake.
Në gjithë rajonin e Piemontes, situate është kritike për shkak të shirave që bien pa pushim e prej ditësh. Vetëm në 24 orët e fundit në disa zona në very ka rënë një e treta e reshjeve të mesatares vjetore.
