Miliarderi amerikan dhe pronari i kompanisë Tesla, Elon Musk, tha se mendon që kryeqyteti i Belgjikës, Brukseli, nuk është më belg.
Komenti i Musk erdhi në përgjigje të rezultateve të një ankete të kryer nga portali belg “immigratiebarometer”, i cili merret me çështjet e demografisë dhe emigracionit në Belgjikë.
Portali pohon se kanali më i madh i emigrimit për të hyrë në Belgjikë mbetet ende – bashkimi familjar.
“Në vitin 2020, rënia e vetme u regjistrua gjatë pandemisë së koronavirusit. Në vitin 2024, kulmi u regjistrua me 59,873 familje që u bashkuan”, njoftoi hulumtimi.
Komenti i Musk se kryeqyteti belg nuk është më belg u postua në rrjetin social X në përgjigje të drejtpërdrejtë të një postimi nga Mario Navfal, themeluesi i Grupit IBS, i cili tha se shifrat zyrtare tregojnë se pothuajse tre nga katër fëmijë në Bruksel tani janë me origjinë jo-evropiane dhe se ky është një transformim me pasoja të thella sociale.
“Vetëm një pjesë e vogël e të miturve në qytet janë me origjinë belge, ndërsa shumica dërrmuese vijnë nga jashtë Evropës, duke riformësuar popullsinë e ardhshme në kohë reale. Kjo nuk ndodhi rastësisht, por nëpërmjet zgjedhjeve të qëllimshme politike nga elitat politike që i hodhën poshtë paralajmërimet si mite”, tha Nawfal.
Sipas tij, kur një kryeqytet arrin në pikën ku shumica e popullsisë së tij nuk ndan më rrënjë historike, kulturore apo qytetare, integrimi bëhet një iluzion.
“Ajo që po ndodh në Bruksel nuk është menaxhim i diversitetit, por zëvendësim demografik i nxitur nga inercia politike dhe verbëria ideologjike. Refuzimi për të pranuar këto shifra vetëm sa thellon mosbesimin publik dhe garanton përçarje të mëtejshme sociale”, përfundoi Nawfal.
Nuk ka pasur kuorum për raundin e parë të votimit të Presidentit. 66 deputetë ishin…
Nuk ka pasur kuorum për propozimet e amendamenteve kushtetuese të propozuara nga presidentja Vjosa Osmani…
Televizioni shtetëror iranian raportoi mbrëmjen e së enjtes se dronët e Gardës Revolucionare ushtria ideologjike…
Deputetët e Kuvendit të Kosovës janë ftuar në seancën lidhur me amendamentet për zgjedhjen e…
Presidenti i Shteteve të Bashkuara, Donald Trump, ka thënë se dëshiron të përfshihet në zgjedhjen…
Presidentja Vjosa Osmani ka njoftuar se të enjten i ka dërguar në Kuvend amendamentet kushtetuese…