NATO: Rusia ka humbur më shumë se 200 mijë ushtarë që nga fillimi i luftës

Rusia ka humbur më shumë se 200 mijë ushtarë rus që nga fillimi i pushtimit të Ukrainës më 24 shkurt 2022.

Kështu deklaroi komandanti i forcave të përbashkëta të NATO-s në Evropë, gjenerali Christopher Cavoli, shkruan Spiegel .

Cavoli foli si i ftuar nderi në një drekë tradicionale në Bashkinë e Hamburgut dhe deklaroi se “shkalla e kësaj lufte është e pabesueshme”.

Sipas tij, Rusia ka humbur tashmë më shumë se 2,000 tanke dhe mesatarisht ushtria ruse gjuan më shumë se 23,000 predha artilerie në ditë.

Cavoli tha se pas sulmit të Rusisë ndaj Ukrainës, NATO duhet të përshtatet me realitetin e ri.

“Nëse dikush vjen me një tank, duhet të kesh edhe ti një tank. Por një nga mësimet e Luftës së Ftohtë është se saktësia e armëve është ajo që ka rëndësi. Gjithashtu, kapaciteti prodhues i industrisë së mbrojtjes është i rëndësishëm. Lufta kërkonë nga kushdo që mund të prodhojë sa më shpejt të jetë e mundur”, tha ai.