Një grua saudite denohet me 34 vjet burg për përdorimin e Twitter

Një studente saudite në Universitetin e Leeds, e cila ishte kthyer në shtëpinë e saj në Arabinë Saudite për pushime, është dënuar me 34 vjet burg për një llogari në Twitter dhe për ndjekje dhe ri-tweeting të disidentëve dhe aktivistëve.

Dënimi nga gjykata speciale terroriste saudite u mor disa javë pas vizitës së presidentit amerikan Joe Biden në Arabinë Saudite, për të cilën aktivistët e të drejtave të njeriut kishin paralajmëruar se mund ta inkurajonte mbretërinë saudite ta përshkallëzonte shtypjen e saj ndaj disidentëve dhe aktivistëve të tjerë pro-demokracisë.

Rasti shënon gjithashtu shembullin e fundit se si princi i kurorës Mohammed bin Salman i ka vënë në shënjestër përdoruesit e Twitter në fushatën e tij të represionit, ndërsa njëkohësisht kontrollon një aksion të madh indirekt në kompaninë amerikane të mediave sociale përmes fondit të pasurisë sovrane të Arabisë Saudite, Fondit të Investimeve Publike (PIF).

Sipas një përkthimi të procesverbaleve të gjykatës, akuzat e reja përfshijnë pretendimin se Shehab po “i ndihmonte ata që kërkojnë të shkaktojnë trazira publike dhe destabilizojnë sigurinë civile dhe kombëtare duke ndjekur llogaritë e tyre në Twitter” dhe duke i ri-cicëruar tweetet e tyre. Besohet se Shehab mund të jetë ende në gjendje të kërkojë një apel të ri në këtë rast.

Twitter nuk ka pranuar të komentojë mbi rastin dhe nuk i është përgjigjur pyetjeve specifike nga The Guardian se çfarë ndikimi ka Arabia Saudite mbi kompaninë, nëse ka ndonjë. /The Guardian