Një nga zërat e opozitës në Kuvendin serb, Srđan Milivojeviç, i tha presidentit Vuçiç se politika e tij ndaj Kosovës është përgjegjëse për faktin se nuk ka serbë në Ferizaj, Pejë dhe Prizren.
“Nuk jeni në jahtin e Pacollit”, tha ai dhe më pas i bëri thirrje Vuçiçit të japë dorëheqjen për shkak të “politikës katastrofike në Kosovë”.
Milivojeviç tha se “Kosova ishte e suksesshme” falë politikës së Vuçiçit.
Më tej, oopzitari serb i tha kreut të shtetit se një natë e zuri gjumi si radikal dhe të nesërmen u zgjua si një njeri që dëshiron të jetë Zoran Gjingjiç i ri.
“Ky është ai që thatë se u deh nga lumturia kur u vra”, tha Milivojeviç gjatë fjalimit të tij ndaj Vuçiçit.
Më tej ai vazhdoi duke kujtuar vrasjen e Oliver Ivanoviçit. “Në Kosovë dhe Metohi jetonte një burrë dhe quhej Oliver Ivanoviç. Ai u vra. Dikush në këtë sallë tha se e dinin se cilët ishin vrasësit e tij dhe se së shpejti do të njiheshin”.
“Jepni dorëheqjen, kjo është më e mira për ju dhe për Serbinë”, tha Milivojeviç.
