Nova: “Qytetarët e poshtëruar të Çaçakut u detyruan ta dëshmojnë se kanë votuar për Vuçiçin”

Qytetarët e poshtëruar të qytetit serb Çaçak u detyruan të votojnë për liderin e SNS-së, Aleksandar Vuçiç, njofton mediumi serb “Nova”.

Disa janë të kushtëzuar nga humbja e vendeve të punës, gjë që do t’i bënte ata të humbnin jetesën për familjet e tyre.

Ky terror po shkon në ekstrem, ndaj shumë njerëzve iu desh të bënin foto për të mbledhur numrin gjashtë në zgjedhjet e djeshme, shkruan më tej mediumi serb.

“Redaksia jonë ka hasur në një foto ku një e vajzë e re ka fotografuar votën e saj për ish-presidentin dhe atë të ardhshëm. Nuk do ta publikojmë identitetin e saj, për të mos u ndëshkuar, por fotografia flet më shumë se fjalët. Kujtojmë se në qendrat e votimit ishte i ndaluar përdorimi i telefonave si për votuesit ashtu edhe për vëzhguesit”, përfundon njoftimi.