Nxënësi i Sheshelit, Vuçiqi thotë Raçaku është i trilluar, Walkerin e quan “mashtrues e hohshtapler”

Edhe presidenti i Serbisë, Aleksandar Vuçiq, e ka quajtur “të tmerrshme faktin e dënimit me dy vjet burgim të Ivan Todosijeviqit ngase për krimin e Raçakut ka thënë është i trilluar”, transmeton Koha.net.

Ai në lidhje me këtë rast tha se edhe vetë e përsërit tash – krim i fabrikuar në Raçak, ndërsa ka pyetur a do të na dënojnë të gjithë neve për këtë. “Kjo është e tmerrshme”, u ka deklaruar ai gazetarëve sot në qytetin serb, Shabac, për të shtuar:

“Të gjithë anëtarët e Listës Serbe do ta përsëritin njësoj, ja edhe unë po e përsëris tash – krim i fabrikuar në Raçak, për të cilin çdo gjë ka falsifikuar ai mashtruesi botëror, pisi dhe hohshtapleri Walker”, është shprehur Vuçiqi me shprehje të padenja për diplomatin e përmasave ndërkombëtare, ai pse e vërteta për masakrën e Raçakut mbetet një nga krimet më të rënda serbe në Kosovë.