Ndërtimi i Xhamisë së madhe sërish ka ngjallur debat në Kosovë. Kundër ndërtimit të saj është paralajmëruar edhe një protestë, shkruan Reporteri.net.
Binak Gashi njëri nga organizatorët e protestës, ish-komandant i Ushtrisë Çlirimtare të Kosovës, tashmë pjesë e OVL-së së UÇK-së ka thënë se nuk kanë asgjë kundër fesë islame por është dashur që të ketë më shumë debat rreth ndërtimit të asaj xhamie.
“ E kemi zgjedhur protestën sepse nuk jemi të njoftuar. E përfaqësoj një grup të bashkëluftëtarëve të mi. Nuk kemi njohuri rreth ndërtimit të xhamisë, nuk ka pasur debat me qytetarët, sidomos kur kjo xhami I përket dy lagjeve Ulpianës dhe Dardanisë. Babë e bagjysh i kam hoxhallarë dhe nuk kam asgjë kundër xhamisë, duhet me ditë kush e financion, cfarë roli ka me kry, cfarë obligime fetare kanë mu kry aty”, ka thënë Gashi.
Ai ka thënë se po protestojnë tetë vjet pasi është vënë gurthemeli I kësaj xhamie meqë kemi menetur të izoluar për shkak të fesë.
“Më herët nuk jemi marrë fort me të, Jemi i vetmi vend që nuk mundemi me lëviz në Evropë. Evropa dhe bota don me ditë kush jemi ne. Janë munduar edhe gjatë luftës me na paraqit si fetar. Në UCK kemi pasur edhe bashkëluftëtarë që kanë qenë hoxhallarë”, tha ai.
Ai ka thënë se po kërkojnë debate publike dhe që Akademia e Shkencave të jap sqarime se kush qëndron pas ndërtimit të kësaj xhamie.
“Nuk jam kundër xhamisë”, tha ai.
