Të rinjtë e Partisë Demokratike të Kosovës në Drenas, kanë zhvilluar një aktiviet duke shpërndarë maska e dezinfektues për qytetarët e Drenasit.
Në shishet e dezinfektuesve vërehet logoja e PDK-së, shkruan Reporteri.net.
Një aktivitet të ngjashëm e kishte zhvilluar edhe kryetari i degës së PDK-së në Skënderaj, Sami Lushtaku, i cili kishte shpërndarë disa pako ushqimore e higjienike në disa fshatra të Skënderajt, e mbi secilin paketim ishte vënë logoja e PDK-së.
Ky veprim i tij mori kritika të shumta nga shoqëria civile e analistë politik të cilët vlerësuan se në kohën kur ndihmat e çfarëdo lloji janë mëse të nevojshme, ato megjithatë në disa raste po bëhen për përfitime politike.
