‘Për shkak të një rruge’ – Rrahet “Njeriu ujk”, Hysni Rexha thotë se u sulmua nga djemtë e axhës së tij

Një përleshje fizike ndodhi në Osekhilë të Gjakovës, por janë dy versione që jepen nga të përfshirët në të, ani se të gjithë janë anëtarë të një familjeje.

Në fakt, aty më së keqi ka pësuar, Hysni Rexha, një entuziast i zbutjes së kafshëve, që në Kosovë njihet si “Njeriu Ujk”.

Ai gjendet duke u trajtuar në spital nga plagët që ia shkaktuan djemtë e axhës.

Duke e prezantuar vetën si viktimë të rastit, ky e ftoi Klan Kosovën ta vizitojë dhe pohoi se kushërinjtë e rrahën për shkaqe xhelozie. Por, i njëjti kërkoi më pas që të mos përdoret deklarata e tij, meqenëse televizioni e kontaktoi edhe palën tjetër, që ka rrëfim tjetër për rastin.

Është babai i atyre që konsiderohen si sulmues të dyshuar që thotë se shkaqet e përleshjes janë tjera nga ato që i ka thënë Hysniu.