Një përleshje me thika ka ndodhur mbrëmjen e sotme në një lokal në Pejë, ku si pasojë tre persona kanë mbetur të lënduar.
Zëdhënësi i Policisë Fadil Gashi ka thënë për Gazetën Online Reporteri.net se të lënduarit janë dërguar për trajtim në Spitalin Rajonal në Pejë.
“Rreth orës 22:00 në një lokal në Pejë ka ndodhur një përleshje me thikë në një lokal në Pejë, ku të lënduar kanë mbetur tre persona. Personat janë dërguar për trajtim në Spitalin Rajonal në Pejë”, ka thënë ai.
Gashi ka shtuar se dy nga të lënduarit janë në gjendje më të rëndë.
