Presidentja e Kosovës, Vjosa Osmani, ka ftuar partitë politike parlamentare në takim konsultativ për ditën e enjte, me qëllim të caktimit të datës së zgjedhjeve parlamentare të jashtëzakonshme.
Siç raportojnë media lokale në Kosovë, takimi pritet të mbahet në ora 10:30 në Presidencë.
“Ftoheni në një takim të përbashkët konsultativ për caktimin e datës së zgjedhjeve të jashtëzakonshme”, thuhet në ftesë.
Ky zhvillim vjen pas dështimit të të propozuarit të dytë për kryeministër nga Lëvizja Vetëvendosje, Glauk Konjufca, për të siguruar shumicën e nevojshme të votave në seancën e sotme të Kuvendit të Kosovës për formimin e qeverisë së re.
Takimi i thirrur nga presidentja Osmani pritet të jetë vendimtar për përcaktimin e hapave të mëtejshëm drejt organizimit të zgjedhjeve të reja parlamentare.
Zgjedhjet e fundit parlamentare në Kosovë u zhvilluan më 9 shkurt të këtij viti dhe që atëherë nuk është arritur të formohet qeveria e re e vendit.
Nuk ka pasur kuorum për raundin e parë të votimit të Presidentit. 66 deputetë ishin…
Nuk ka pasur kuorum për propozimet e amendamenteve kushtetuese të propozuara nga presidentja Vjosa Osmani…
Televizioni shtetëror iranian raportoi mbrëmjen e së enjtes se dronët e Gardës Revolucionare ushtria ideologjike…
Deputetët e Kuvendit të Kosovës janë ftuar në seancën lidhur me amendamentet për zgjedhjen e…
Presidenti i Shteteve të Bashkuara, Donald Trump, ka thënë se dëshiron të përfshihet në zgjedhjen…
Presidentja Vjosa Osmani ka njoftuar se të enjten i ka dërguar në Kuvend amendamentet kushtetuese…