Kryeministri i Kosovës, Albin Kurti ka dhënë një intervistë për median greke “To Vima”, ku është pyetur nëse e përkrah bashkimin e Kosovës me Shqipërinë.
Kurti u përgjigj duke thënë se Kosova dhe Shqipëria janë një komb dhe dy shtete dhe se marrëdhëniet me Shqipërinë janë të shkëlqyera duke shtuar se akuzat ndaj tij në lidhje me bashkimin e dy shteteve vinin nga serbët për arsye se ata duan që Bosnja të bashkohet me Serbinë.
“Shqiptarët në Kosovë përbëjnë 93%. Ne jemi një komb, por dy shtete. Kam fituar pushtetin në shkurt të 2021-shit duke premtuar punë dhe drejtësi dhe këto mbeten prioriteti im. Ne kemi marrëdhënie të shkëlqyera me Shqipërinë. Mendoj se shumica e akuzave ndaj meje, në lidhje me bashkimin, vijnë nga serbët, sepse ata duan që Republika Srpska (Bosnja) të bashkohet me Serbinë. Ata kanë shpikur të ashtuquajturën ‘Bota Serbe’ si një eufemizëm për Serbinë e Madhe”.
Kryeministri i Kosovës, Albin Kurti
Duket se intervistuesi ka këmbëngulur në këtë çështje pas e ka pyetur edhe nëse ai e dëshiron bashkim me Shqipërinë.
Për këtë pyetje të radhës Kurti është shprehur se për momentin Kushtetuta e Kosovës nuk e lejon një gjë të tillë dhe se qeveria është e fokusuar në mbrojtjen e vendit, integritetit territorial dhe sovranitetit.
“Për momentin Kushtetuta e Kosovës nuk e lejon këtë dhe ne jemi të fokusuar në mbrojtjen e vendit tonë, integritetit territorial dhe sovranitetit të tij. Por e përsëris se ne kemi marrëdhënie të shkëlqyera me Shqipërinë dhe, megjithëse jemi një komb, jemi dy shtete të ndryshme”.
Kryeministri i Kosovës, Albin Kurti
Abolghasem Babeian u vra të shtunën në Teheran. Pothuajse në të njëjtën kohë u vranë…
Gjykata Kushtetuese ka vendosur masë të përkohshme ndaj dekretit të presidentes së Kosovës, Vjosa Osmani,…
Presidenti i Recep Tayyip Erdogan ka reaguar për përshkallëzimin e tensioneve në Lindjen e Mesme,…
Presidentja e Kosovës, Vjosa Osmani, nuk e ka nënshkruar ende dekretin për datën e zgjedhjeve,…
Pamjet e shpërndara në mediat sociale tregojnë flakë dhe tym të dendur që ngrihen nga…
Presidenti i SHBA-së, Donald Trump, komentoi në rrjetin social Truth Social rritjen e ndjeshme të…