Kanë dalë për herë të parë pamjet nga momenti i vrasjes së Pjerin Xhuvanit në Elbasan, pak ditë para zgjedhjeve parlamentare të 25 prillit.
Pamjet u publikuan në emisionin “Në Shënjestër”, News 24.
Kujtojmë se ngjarja ndodhi më 21 prill 2021 në lagjen ‘5 Maji’ në Elbasan.
Siç shihet nga pamjet e siguruara, ka pasur përplasje midis dy grupeve të militanteve. Po ashtu në pamje shihet se grupi i ruajtjes së votave i angazhuar nga PD bllokon një makinë që sipas tyre kishte lista me pagesa dhe para. Nga pamjet shihet Arber Paplekaj dhe Pjerin Xhuvani që më pas humb jetën. Në ngjarjen në fjalë që bë ‘mollë’ sherri mes palëve politike, u plagosën dhe tre persona të tjerë, mes tyre një efektive policie.
Aktualisht çështja është në gjykim, ndërkohë që autori i dyshuar, Arber Paplekaj ndodhet pas hekurave. Gjykata e Rrethit Gjyqësor të Elbasanit ka vendosur masën e pezullimit për gjashtë efektivët e “Shqiponjave”, të arrestuar për vrasjen e Pjerin Xhuvanit, të cilët akuzohen për mosveprim.
