Putin urdhëron rekrutimin në ushtri të 135 mijë rusëve deri në fund të vitit

Presidenti i Rusisë, Vladimir Putin ka urdhëruar rekrutimin e 135 mijë rusëve deri në fund të vitit, thotë Ministria Britanike e Mbrojtjes.

Sipas mediave të huaja, kjo lëvizje shënon vetëm përpjekjen e fundit të udhëheqësit rus për të forcuar forcat e tij të armatosura, në një përpjekje për të bërë një përparim në vijën e frontit.

Kjo lëvizje vjen gjithashtu pasi pranimi i ushtarëve në pranverë i këtij viti, 160 mijë trupa, ishte më i madhi që nga viti 2011.

Muajin e kaluar, politikanët rusë mirëpritën një projektligj që prezanton rekrutimin ushtarak gjatë gjithë vitit, në vend që të jetë vetëm në pranverë dhe vjeshtë. Por vendosja në shërbim do të vazhdojë të ndodhë vetëm dy herë në vit.

Moska po kërkon të mbushë boshllëqet në ushtrinë e saj, ndërsa luftimet me Ukrainën po kalojnë vitin e katërt.

Kujtojmë se të gjithë burrat rusë të moshës 18-30 vjeç janë aktualisht të detyruar të shërbejnë në ushtri për një vit, por rekrutimi mund të shmanget për arsye të ndryshme.

Ndërsa autoritetet ruse pretendojnë se ushtria nuk mbështetet te rekrutët, aktivistët e të drejtave të njeriut dhe raportet e medias kanë thënë të kundërtën.

Rusia kishte një ushtri prej një milion ushtarësh kur pushtoi Ukrainën. Vitin e kaluar, Putin tha se kishte mbi 700,000 trupa që luftonin në Ukrainë. Nga ana tjetër, Kievi pretendon se ka vrarë më shumë se një milion ushtarë rusë.