Kryeministri i Suedisë, Ulf Kristersson dhe ministri i Jashtëm suedez Tobias Billström, djegien e Kuranit pasa ambasadës së Türkiye-s në Stockholm nga lideri i partisë së ekstremit të djathtë danez, Drejtimi i Rreptë (Stram Kurs), Rasmus Paludan e kanë mbrojtur me “lirinë e shprehjes” por edhe e kanë cilësuar veprimin e djegies së librit të shenjtë “mosrespektim”.
Në një mesazh të ndarë në Twitter, kryeministri Kristersson tha: “Liria e shprehjes është pjesë themelore e demokracisë, por ajo që është ligjore nuk është gjithmonë ajo që është e përshtatshme. Djegia e librave që janë të shenjtë për shumë njerëz është veprim me mungesë respekti. I kuptoj të gjithë muslimanët që janë të shqetësuar nga përjetimet në Stockholm”.
Ndërsa ministri i Jashtëm, Billström në mesazhin e tij të postuar në Twitter, edhe kritikoi provokimin por edhe mbrojti lirinë e shprehjes.
“Provokimet islamofobike janë tmerruese. Suedia ka liri të shprehjes në shkallë të gjerë, por kjo nuk nënkupton se qeveria suedeze ose unë mbështesim mendimet e shprehura”, tha në postimin e tij, Billström.
