Pamje dhe histori prekëse vijnë sërish nga Ukraina, aty ku vazhdon prej më shumë se një muaji lufta me ushtrinë serbe. .Këshilltari i Ministrisë së Brendshme të Ukrainës Anton Gerashchenko ka publikuar historinë e një gruaje ukrainase e cila është zënë rob dhe përdhunuar nga ushtarët nën komandën e kryekrimineli çeçen Ramzan Kadyrov.
Tetiana Zadorozhniak kishte jetuar në shtëpinë e saj në Makariv që nga viti 2012 me burrin e saj, i cili kishte vdekur nga Covid dhe qenin e tyre Reeny. Gerashchenko tha se ishte kthyer në shtëpinë e saj për të gjetur Reeny i cili ishte duke pritur me durim jashtë shtëpisë për pronaren e tij të vrarë.
“Ky është Reeny, 9 vjeç. Tetiana për të cilën kemi shkruar u vra brutalisht. Reeny nuk e di dhe ende e pret atë. Askush nuk u kujdes për Reeny gjatë muajit të pushtimit”,- ka shkruar zyrtari ukrainas.
Pamjet e shpërndara gjithashtu tregojnë pjesën e brendshme të një shtëpie ku Tetiana mendohet të jetë therur në qytetin Makariv, 30 milje nga Kievi, muajin e kaluar. Sipas banorëve të qytetit, Tetiana u tërhoq zvarrë nga shtëpia e saj nga njerëzit e Kadyrovit teksa priste të evakuohej nga qyteti me shoqen e saj përpara se të mbahej rob në një shtëpi aty pranë dhe të abuzohej. Pas ditësh torturash, një nga ushtarët e përdhunoi për herë të fundit para se t’i priste fytin dhe ta hidhte trupin e saj të pajetë në një varr të cekët, thanë banorët vendas.
Dëshmitarët pohuan se ushtari çeçen që përdhunoi dhe vrau Tetianën u ekzekutua më vonë nga oficerë të tjerë. Incidenti i tmerrshëm mendohet të jetë një nga shembujt më të fundit të brutalitetit të zbatuar mbi civilët e pafuqishëm gjatë luftës së Rusisë në Ukrainë, ndërsa konflikti i afrohet javës së shtatë.
