Blerim Latifi nga PDK’ja ka reaguar ashpër pas takimit të anëtarëve të VV, LDK dhe AAK, me Drejtorin e të ashtuquajturës Zyre për Kosovën në Serbi, Marko Djuric, duke thënë se ky i fundit paradite mohon masakrat e kryera në Kosovë, pasdite pi kafe me politikanë të vendit tonë.
Përmes një shkrimi në rrjetin social Facebook, Latifiki e ka quajtur këtë mos-respekt ndaj viktimave të Reçakut.
“Gjuriqi paradite i fyen viktimat e Reçakut dhe pasdite, në Tiranë, pi kafe me politikanë të Kosovës, madje me të atillë që na i patën qorru sytë në emër të bashkimit kombëtar. Pse duhet të ankohemi kur të tjerët nuk i respektojnë viktimat tona, kur ne vetë nuk i respektojmë ato”, ka shkruar ai.
Më poshtë keni të plotë postimin e tij në Facebook:
Nuk ka ndodhë kurrë që një politikan izraelit me u ulë për kafe me një nazist, sepse ata nuk i fyejnë viktimat e tyre. Tek ne ky kod moral shkelet përditë. Gjuriqi paradite i fyen viktimat e Reçakut dhe pasdite, në Tiranë, pi kafe me politikanë të Kosovës, madje me të atillë që na i patën qorru sytë në emër të bashkimit kombëtar. Pse duhet të ankohemi kur të tjerët nuk i respektojnë viktimat tona, kur ne vetë nuk i respektojmë ato?
Sveçla, deputet i zgjedhur në Kuvendin e Kosovës, është fotografuar gjatë një takimi me zyrtarin e qeverisë serbe, në mbrëmjen e së shtunës.
Vetëvendosje tha se ky nuk është takim i Sveçlës me Marko Gjuriqin, por vetëm një pjesëmarrje në konferencë ndërkombëtare.
