Bekim Jashari ka dal me një reagim rreth raportimeve se Besarta Jashari, do të jetë kandidate për deputete nga Lëvizja Vetëvendosje.
Jashari ka deklaruar se Besarta nuk do të jetë pjesë e asnjë liste të asnjë partie politike në zgjedhjet e ardhëshme.p
“Pas interesimit të madh të mediave për një qëndrim të familjes sonë lidhur me spekulimet për mundësinë e përfshirjes së motrës sime, Besarta Jashari, si kandidate për deputete në Kuvendin e Kosovës, ju njoftojmë se Besarta nuk do të jetë pjesë e asnjë liste elektorale të asnjë partie politike në zgjedhjet e ardhshme parlamentare”.
Tutje ai thotë se familja Jashari mbetet e palëkundur në qëndrimin e saj për të qëndruar jashtë përfshirjes aktive në partitë politike dhe proceset zgjedhore.
“Familja jonë mbetet e palëkundur në qëndrimin e saj për të qëndruar jashtë përfshirjes aktive në partitë politike dhe proceset zgjedhore, duke ruajtur angazhimin tonë si përkrahës të paanshëm të zhvillimit të vendit tonë”.
