Tash e afro një javë, Rusia ka nisur mobilizimin e ri, për t’i përfshirë në luftë të paktën 300 mijë persona.
Mobilizimi nuk ka kaluar pa probleme. Në pamjet e mediumit bjellorus, “Nexta”, të publikuara të martën, shihet një nga qendrat ku po tubohen rusët, për t’u dërguar në frontet e luftës ndaj Ukrainës. Ambienti i brendshëm duket i mjerueshëm, e shumë rusë u ankuan për kushte mizore.
🤡 The adventures of the mobilized in #Russia pt.1 pic.twitter.com/cUDLQ5vAnA
— NEXTA (@nexta_tv) September 26, 2022
Dollapë të vjetruar, tavolina të dëmtuara e shtretër të ngushtë, janë ato që shihen në pamje, derisa u tha se brenda kësaj hapësirë do të shkojnë edhe dhjetëra të tjerë.
Afro 20 qendra ruse u dogjën ditëve të fundit, ndërsa një oficer rus u qëllua për vdekje në qendrën e Irkutskut.
Në mediat perëndimore janë publikuar pamje ku shihet një person që hedh koktej molotivi në drejtim të një qendre rekrutuese.
🤡The adventures of the mobilized in #Russia pt.2 pic.twitter.com/hz8iTIleOT
— NEXTA (@nexta_tv) September 26, 2022
Zyrtarët rusë konfirmuan se një ndërtesë u dogj nga zjarri të hënën, derisa i dyshuari është arrestuar. Dëmet u raportua të jenë minimale.
