Të paktën 12 persona, përfshirë një fëmijë të vogël, u vranë si rezultat i sulmeve me raketa ruse në Vinnytsia mëngjesin e 14 korrikut.

Lajmi u bë i ditur nga agjencitë vendase, duke cituar Policinë Kombëtare dhe Zëvendës Shefin e Presidencës, Kyrylo Tymoshenko.

“Raketat ruse goditën qendrën e Vinnytsia-s. 12 të vdekur, përfshirë një fëmijë të vogël. Ka të plagosur”, shkruan Tymoshenko.

Policia shtoi se të paktën 25 persona kanë mbetur të plagosur.

Sipas të dhënave paraprake, tre raketa ruse kanë goditur një godinë me ambiente zyrash.

Nga goditjet janë dëmtuar edhe Shtëpia e Oficerëve dhe objektet e banimit aty pranë.

Një zjarr ka rënë në vendin e goditjes dhe është përhapur më pas në parking-un e automjeteve.

Kjo është pasuar me djegien e rreth 50 makinave. Ekipet e shpëtimit po punojnë në vendngjarje.