Rusët sulmojnë qendrën e Kievit; Një fenomen i pazakontë në një ishull danez: ‘Kjo është e pashpjegueshme’

Një seri shpërthimesh tronditën qytete në të gjithë Ukrainën, u godit qendra e Kievit.

Ishulli danez Bornholm në Detin Baltik, i cili është afër vendit të një sulmi të dyshuar sabotazhi në tubacionet e gazit Nord Stream, pësoi një ndërprerje të pashpjegueshme të energjisë të hënën, njoftoi operatori Energinet.

Ata thanë se problemi lidhet me kabllon elektrike nënujore që lidh 40 mijë banorët e ishullit me kontinentin europian, por se ende nuk dihet shkaku i saktë i ndërprerjes.

“Ka një problem me furnizimin dhe Bornholm ka mbetur pa energji që nga ora 7.50 (ora lokale)”, tha një zëdhënës i Energinet për Agence France-Presse.

“Problemi mund të jetë në kabllo, por edhe diku tjetër në sistem”, thanë ata.

Energjia elektrike pritet të kthehet rreth mesditës falë prodhimit vendas në ishull.

Vala e sulmeve në qytetet anembanë Ukrainës vjen dy ditë pasi Rusia emëroi një gjeneral famëkeq si komandantin e saj të parë të përgjithshëm për luftën në Ukrainë.

Gjenerali Sergei Surovikin është komandanti i ri i ushtrisë ruse në Ukrainë, i cili tani drejton një “operacion special” pasi Moska pësoi një sërë pengesash ushtarake që tërhoqën kritika nga udhëheqja ushtarake.