Rusia është në procesin e blerjes së milionave raketave dhe predhave nga Koreja e Veriut për përdorim në fushën e betejës në Ukrainë, ka thënë një zyrtar amerikan për CNN-in, të martën.
Blerja tregon se ushtria ruse vazhdon të vuajë nga mungesa të rënda të furnizimit në Ukrainë, pjesërisht për shkak të kontrolleve të eksportit dhe sanksioneve.
Shtetet e Bashkuara të Amerikës presin që Rusia do të blejë më shumë pajisje ushtarake nga Koreja e Veriut në të ardhmen.
Raportet ndërkombëtare kanë treguar se Ukraina i ka shkaktuar dëme Rusisë në strukturën ushtarake.
Presidenti ukrainas, Volodymyr Zelensky, ka njoftuar të hënën në mbrëmje, se ushtria ka shkatërruar një depo të rëndësishme municioni ku Moska mbante raketa S-300, të cilat përdoreshin për bombardimin e qytetit të Kharkivit.
Zelensky ka premtuar në adresimin e tij, se Rusia do të ndëshkohet për të gjitha dëmet që ia ka shkaktuar Ukrainës.
