Rusia i ankohet Turqisë për përdorimin e dronëve turq nga Ukraina

Rusia është ankuar te zyrtarët turq se ushtria ukrainse po përdor dronët e prodhuar në Turqi.

Duke folur në një konferencë për media të premten, një zyrtar turk ka thënë se Ankaraja i kishte thënë Moskës se prodhuesi turk i dronëve Baykar Technologies është një kompani private dhe blerja e pajisjeve nga Ukraina kishte përfunduar para luftës, raporton të shtunën CNN.

Sipas CNN-it, zyrtarët ukrainas kanë reklamuar dronët Bayraktar TB2 të Baykar si një nga armët më efektive në arsenalin e tyre.

Javën e kaluar, CNN fitoi akses të rrallë në objektin e prodhimit Baykar në Turqi për një intervistë ekskluzive me shefin e saj të teknologjisë, Selcuk Bayraktar.

Bayraktar, i cili është gjithashtu dhëndër i presidentit turk Rexhep Tajip Erdogan, ka thënë se droni “po bënte atë që ishte projektuar për të bërë dhe përmirësuar për të bërë”.