Rusia iu përgjigj me kërcënim raporteve se Franca së shpejti mund të dërgojë trajnerë për të ndihmuar ushtrinë ukrainase.
“Asnjë instruktor i përfshirë në trajnimin e ushtrisë ukrainase nuk ka imunitet”, tha zëdhënësi i Kremlinit, Dmitry Peskov, raporton AFP.
“Nuk ka rëndësi nëse janë francezë apo jo”, shtoi Peskov.
Javën e kaluar, komandanti i Ukrainës, Oleksandr Syrskyi, tha se trajnerët francezë do të vinin në Ukrainë “së shpejti”, një deklaratë e cila u mohua në atë kohë si në Paris ashtu edhe në Kiev.
Presidenti francez Emmanuel Macron – i cili do të takohet me presidentin ukrainas Volodymyr Zelenskyy këtë javë gjatë 80-vjetorit të shënimit të zbarkimit të Ditës D në Francë – mund të shpallë së shpejti një koalicion të vogël vendesh të gatshme të dërgojnë trajnerë në terren në Ukrainë, raportoi Le Monde.
“Nuk ka asnjë konsensus sot për dërgimin, marrjen dhe miratimin zyrtar të trupave tokësore. Por në një situatë dinamike, asgjë nuk duhet të përjashtohet”, tha Macron në shkurt.
