Pas vendimit me burg ditën e sotme, është sistemuar në EVP në burgun 313 nga policia e Tiranës ish-ministri i Brendshëm, Saimir Tahiri.
Ai është sistemuar në godinën nr. 2 të këtij burgu ku do të vuajë dënimin tashmë me 3 vite e 4 muaj burg të dhënë nga Gjykata.
Tahirit iu dha dënimi ditën e sotme nga GJKKO, ku iu hoq dënimi i konvertuar në provë dhe iu dha dënimi i shkurtuar.
SPAK nga ana e tij kishte kërkuar plot 12 vite burg për ish-ministrin, por një kërkesë e tillë nuk u ul pothuajse 4 herë.
Kronologjia e dosjes “Tahiri”
Më 11 mars 2017 – Tahiri shkarkohet si Ministër i Brendshëm, në vend të tij emërohet Fatmir Xhafaj.
Më 16 tetor të të njëjtit vit Moisi Habilaj dhe anëtarë të tjerë të bandës arrestohen në Itali me akuzën e trafikut të narkotikëve. Në Hetimet e Prokurorisë së Katanias përmendej edhe ish-Ministrin Tahiri.
Mes përgjimeve, habiljat deklaronin se i kishin bërë familjes së Tahirit bizhuteri me vlerë deri në 15 mijë euro.
Më 5 korrik 2018 Prokuroria e Krimeve të Rënda kërkoi arrest me burg për Tahirin, por Gjykata e shkallës së parë e Krimeve të Rënda vendosi për arrest shtëpie.
Dy vite pas nisjes së hetimeve, më 27 shkurt 2019, Prokuroria dërgon dosjen e Tahirit në Gjykatë me akuzat përfundimtare “trafikim i narkotikëve, në bashkëpunim, në formën e grupit të strukturuar kriminal”; “kryerja e veprave penale nga organizata kriminale” dhe “grup i strukturuar kriminal”.
Por Gjykata për Krime të Rënda dënoi ish-ministrin e Brendshëm Saimir Tahiri vetëm për shpërdorim detyre me 5 vite burg, por me gjykim të shkurtuar arrin në 3.4 vite burgim. Të cilin e njëjta Gjykatë e konvertoi me shërbim prove.
Këtë vendim la në fuqi edhe Gjykata e Posaçme, por me diferencën e vetme, që Tahiri nuk do kryejë shërbim prove, por do vuajë dënimin në burg.
