Në muret e shkollës “Aziz Sylejmani” dhe në Shtëpinë e Shëndetit në Kodrën e Minatorëve në Mitrovicë, është shkruar mbishkrimi “Wagner”.
Është gazetari Venhar Isufi që ka publikuar foton në rrjetin e tij social Facebook.
“Sot në Shkollen Aziz Sylejmani, Kodra e Minatoreve, në pjesën veriore të Mitrovicës, janë parë grafite me emrin e organizatës mercenare Ruse “Wagner””, ka shkruar ai.
“Wagner” është grup i mercenarëve, i themeluar në vitin 2014 në Rusi, nga Yevgeny Prigozhin. Për këtë grup, të lidhur ngushtë me presidentin e Rusisë, Vladimir Putin, thuhej se ishte prezent në tensionet e fundit në veriun e Kosovës.
