Ushtria e Shteteve të Bashkuara nisi një sulm ndaj një anijeje luftarake iraniane në brigjet e Sri Lankës, thanë tre zyrtarë amerikanë për Reuters të mërkurën. Pak çaste më vonë, Sekretari i Mbrojtjes i SHBA-së konfirmoi sulmet se një nëndetëse amerikane e kishte goditur anijen me një silurë.
Siç është raportuar më parë, ushtria e Sri Lankës ka shpëtuar të paktën 30 persona nga një anije iraniane që po fundosej, tha ministri i jashtëm i vendit para parlamentit. Të paktën 80 persona kanë vdekur dhe pjesa tjetër janë të zhdukur.
Marina e Sri Lankës ka dërguar një mision shpëtimi pas një thirrjeje për ndihmë nga një anije iraniane, tha një zëdhënës i ministrisë së mbrojtjes më herët të mërkurën.
“Mbërritëm në vendin e ngjarjes dhe pamë vetëm varka shpëtimi. Anija nuk ishte fare aty, ajo ishte fundosur tashmë”, tha një anëtar i shërbimit të shpëtimit.
Ministri i Jashtëm Vijitha Herath nuk dha detaje të mëtejshme, por tha se Sri Lanka do të ndërmarrë të gjitha veprimet e nevojshme.
Mediat lokale raportuan se anija raportoi se kishte nevojë për ndihmë në brigjet e qytetit Galle në jugperëndim të ishullit në Oqeanin Indian dhe se të plagosurit u shtruan në një spital në të njëjtin qytet.
Nuk ka pasur kuorum për raundin e parë të votimit të Presidentit. 66 deputetë ishin…
Nuk ka pasur kuorum për propozimet e amendamenteve kushtetuese të propozuara nga presidentja Vjosa Osmani…
Televizioni shtetëror iranian raportoi mbrëmjen e së enjtes se dronët e Gardës Revolucionare ushtria ideologjike…
Deputetët e Kuvendit të Kosovës janë ftuar në seancën lidhur me amendamentet për zgjedhjen e…
Presidenti i Shteteve të Bashkuara, Donald Trump, ka thënë se dëshiron të përfshihet në zgjedhjen…
Presidentja Vjosa Osmani ka njoftuar se të enjten i ka dërguar në Kuvend amendamentet kushtetuese…