Edhe pas më shume se 20 vjet çlirimi të Kosovës, ka akoma shqiptarë që jetojnë në Serbi dhe po vazhdojnë që mos ta njohin realitetin se Kosova është shtet i pavarur dhe i njohur ndërkombëtarisht, disa nga ata u janë bashkangjitur politikës serbe me përpjekjen që ta rikthejnë pushtuesin serb, njëri nga është edhe Demo Berisha.
Demo Berisha njihet si organizator i shumë konferencave nacionaliste serbe, së fundi ka organizuar ndejën me veteranët e Policisë Ushtarake të Serbisë, e njohur si shoqata ‘Veterani’ nga Novi Sad.
Gazeta Metro ka arritur të siguron foto nga kjo ndejë e veteranëve nacionalist të Serbisë, ku aty ishte Demo Berisha.
Po ashtu, Gazeta Metro ka arritur të siguron foto nga takimi i Demo Berishës me pjesëtarët e Qendrës Humanitare Ruse në Nish.
Berisha me 17 shkurt 2019, ka marrë pjesë në Samitin e parë të Diplomacisë Popullore Ruse dhe Ballkanase, ku morën pjesë disa na shtetet e ish-Jugosllavisë, e cila u mbajt ne Voronjezh të Rusisë.
Demo murr pjesë me ftesën e organizatorit te samitit, Lubomir Radinovic (Любомир Радинович). Radinovic është Kryetar i Degës Rajonale të Partisë Politike Ruse “Rodina”, shkruan Gazeta Metro.
Demo Berisha njihet si shqiptari më kontrovers, ai e quan Qeverinë e Kosovës, sikurse shefi i tij, Aleksandar Vucic, “e ashtuquajtura Qeveri e Kosovës”.
Ai në debatin televiziv të zhvilluar në vitin 2016 në medium serb Kanal 9 , ai ka thënë se Kosova është pjesë e Serbisë ndërsa krimet që ushtria serbe ka kryer para luftës dhe gjatë luftës në Kosovë nuk e kanë penguar atë aspak të qëndronte në ushtrinë serbe, shkruan Gazeta Metro.
Demo Berisha, kryetar i OJQ “Amëza e Shqiptareve në Serbi”, ka qenë pjesëtar i ushtrisë jugosllave dhe ka përfunduar karrierën e tij në ushtrinë e Serbisë, duke punuar një kohë të gjatë në policinë ushtarake.
