Në deklarimet e pasurisë në Agjencinë Kundër Korrupsion (AKK), të hyra vjetore në shtëpinë e Haki Abazit, janë plotë 6 mijë e 847 euro.
Abazi posedon një makinë Audi A8, vlera e të cilës arrin në 20 mijë euro. Po ashtu ka edhe dy vetura të tjera, njëra e prindërve dhe njëra e gruas Audi A4 dhe Audi A3 ku vlera e të dyjave arrin në 11 mijë euro.
Pasuri të paluajtshme në total ka në vlerë të 805 mijë eurove.
Abazi posedon arë në vlerë të 75 mijë eurove, shtëpi dhe 20 ari oborr në vlerë të 30 mijë eurove, shtëpi në vlerë të 300 mijë eurove, një shtëpi tjetër në vlerë të 25 mijë eurove, banesë në vlerë të 30 mijë eurove dhe një banesë tjetër në vlerë të 120 mijë eurove.
Ai ka në posedim edhe letra me vlerë që kapin shumën e 140 mijë eurove.
Ndërsa ka detyrime financiare si kredi për shtëpi në vlerë të 210 mijë eurove dhe bursë për studim në vlerë të 20 mijë eurove./ Insajderi
