Zyrtari policor që ka plagosur Qëndrim Januzin, i dyshuar për vrasjen e 30-vjeçarit Gazmend Hyseni, është suspenduar për 72 orë nga Inspektorati Policor i Kosovës, por kjo masë iu hoq shpejt.
Por si ndodhi heqja e kësaj mase?
Lidhur me ndërprerjen e kësaj mase, Inspektorati Policor i Kosovës i tha Gazetës Express se pasi u vlerësua suspendimi i tij për 72 orë dhe pas verifikimit të pamjeve filmike IPK ka vendosur që mos të rekomandoj vazhdimin e suspendimit.
“Për rastin në fjalë, fillimisht ishte vlerësuar nga hetuesi IPK-së që zyrtarit policor ti rekomandohet suspendimi për 72 orë deri në sqarim të rrethanave të rastit. Por pas verifikimit të pamjeve filmike, IPK ka vendosur që mos të rekomandoj vazhdimin e suspendimit, ndërkaq rasti do të hetohet në procedurë të rregullt sipas autorizimeve të Prokurorisë”, thuhet në përgjigjen e IPK-së për Gazetën Express.
