Nexhmedin Spahiu, e ka quajtur tradhti kombëtare flamurin e Shqipërisë në Presidencën e Kosovës.
Spahiu, përmes një postimi në Facebook, shkruan se flamuri shqiptar nuk guxon të jetë në Presidencë.
Sipas tij, çdo përdorim joprotokollar i flamujve në Presidencë është joseriozitet, përbuzje dhe abuzim me shtetin e Kosovës, si dhe shkelje e betimit si President dhe tradhti kombëtare.
Postimi i plotë:
Flamuri i Shqipërisë guxon të jetë në Presidencën e Kosovës vetëm kur aty e pret Presidentin e Shqipërisë. Çdo përdorim joprotokollar i flamujve në institucionin më të lartë të shtetit është joseriozitet kulmor, përbuzje dhe abuzim kulmor me shtetin e Kosovës, shkelje e betimit si President dhe tradhti kombëtare.
