Është padyshim një ndër artistet më të suksesshme me famë botërore. Dua Lipa po korr një sukses të jashtëzakonshëm, këngët e së cilës kanë thyer rekorde duke u renditur në toplista të rëndësisshme si më të dëgjuarat.
Pak ditë më parë, artistja shqiptare publikoi projektin më të fundit në bashkëpunim me J Balvin dhe Bad Bunny, ndërkohë që ka paralajmëruar një tjetër super hit. Një bashkëpunim me divën e muzikës, Madonna si dhe me The Blessed Madonna dhe Missy Elliot.
Ndërkohë, që së fundmi ajo ka shënuar një tjetër sukses. Albumi i ri “Future Nostalgia”, që ka vetëm 4 muaj në treg ka arritur të thyejë një tjetër rekord. 24-vjeçarja ka bërë me dije se albumi ka kaluar shifrën e dy miliardë dëgjimeve në “Spotify”.
Ylli i “New Rules” përmes një postimi në Instagram, është shprehur e emocionuar për këtë arritje, ku shprehet se ndihet shumë krenare për suksesin që po korr me albumin e ri në vetëm kaq pak muaj që kur është publikuar.
