Një aksident trafiku ka ndodhur sot në rrugën Kijevë-Malishevë. Por, që aksidenti eskaloi në konfrontim.
Lidhur me rastin është arrestuar një person.
Zëdhënësi i policisë për rajonin e Gjakovës, Sheremet Elezaj, tha se i dyshuari është ndaluar në mbajtje për 48 orë.
“Rreth orës 13:40, një qytetar kosovar ka raportuar se pas një fjalosjeje me një person tjetër, gjithashtu mashkull kosovar, në fshatin Kijevë – Malishevë, ky i fundit i ka dëmtuar xhamin e veturës së tij. Menjëherë pas raportimit, njësitë policore i janë përgjigjur rastit. I dyshuari është arrestuar dhe, me vendim të prokurorit të shtetit, është ndaluar në mbajtje për 48 orë”, tha Elezaj.
Në pamjet e publikuara nga media lokale, shihet se njëri nga shoferët e ka sulmuar shoferin tjetër duke e goditur dritaren e pjesës ku ndodhej ai.
“Dil, dil, t’i q**** robët”, dëgjohet duke e ftuar në përleshje, teksa mbante në dorë një shkop bejsbolli.
Në pamje shihen edhe dy gra të cilat tentojnë ta ndalojnë.
