Të fshehura nën pedalet e makinës, kapet shqiptari me 320 mijë euro në kufirin që lidh Italinë me Slloveninë

Një shtetas shqiptar është kapur në kufirin që lidh Italinë me Slloveninë me rreth 320 mijë euro cash të fshehura në automjetin e tij.

Autoritetet e Guardia di Financës italiane të qytetit të Triestes informojnë se pas një kontrolli rutinë rrugor, në kufirin tokësorë dalës drejt Sllovenisë, është ndaluar një automjet i drejtuar nga një shtetas shqiptar.

Gjatë kontrollit ai ka pohuar se nuk ka asgjë për të deklaruar tek autoritetet doganore.

Kontrolli i imët i automjetit nga financierët italianë, e me ndihmën e qenve nuhatës, ka çuar në gjetjen e 321.450 Euro të fshehura në një vend të modifikuar enkas në makinë.

Arrestohen 5 shqiptarë në Itali, media italiane: Banda me 2 gra dhe 3 burra të specializuar në vjedhjen e qendrave tregtare
Sasia e parave u gjet e ndarë në 38 pako të konfeksionuara me qese të zezë e fshehur nën pedalet e automjetit në një vend të modifikuar në mënyrë artificiale.

Sasitë e parave e automjeti janë vënë nën sekuestro paraprake, ndërsa shtetasi shqiptar është sinjalizuar tek autoritetet e drejtësisë italiane me akuzën e riciklimit e trafikimit të paligjshëm të parave te padeklaruara e rrezikon një përgjegjësi penale.