Greqia i ka dërguar dy letra Sekretarit të Përgjithshëm të Kombeve të Bashkuara, ku refuzon argumentet e Turqisë mbi statusin e ishujve grekë në Egje.
Athina i është përgjigjur deklaratave të mëhershme të ministrit të Jashtëm turk, i cili citohet të ketë thënë se “sovraniteti i ishujve të Egjeut do të vihet në pikëpyetje nëse Greqia nuk ndalon së shkeluri marrëveshjet ndërkombëtare”.
Në një intervistë të fundit dhënë për Reuters, kryeministri Mitsotakis është shprehur se Athina nuk do të tolerojë veprimet agresive të Ankarasë dhe do të mbrohet nëse lind nevoja.
