Trupat ruse kanë vrarë një vajzë 3-vjeçare dhe nënën e saj në një shesh lojrash në një fshat të Donetsk, sipas zyrës së prokurorit rajonal.
Mediat e huaja bëjnë me dije se granatimet goditën Kurtivkën, duke plagosur edhe vajzën tjetër të gruas, 15 vjeçe, e cila u dërgua me urgjencë në spital.
“Gjatë sulmit të pushtuesve, familja ka qenë në këndin e lojërave”, tha Prokuroria, shkruan A2 CNN.
Prokuroria në Ukrainë tha gjithashtu se ka nisur një hetim për krimet e luftës, të cilat kanë qenë të shumta gjatë këtyre tre viteve luftime.
Sky Neës, ku janë marrë edhe të dhënat, nuk mund të verifikojë në mënyrë të pavarur këto raporte në fushën e betejës.
Kujtojmë se megjithëse Presidenti Trump dhe administrata e tij në SHBA premtuan se do të gjenin një zgjidhje të shpejtë për t’i dhënë fund luftës në Ukrainë, një gjë e tillë ende nuk ka ndodhur.
