Trump ia prish projektin e madh Putinit e Merkelit

Senati Amerikan aprovoi të martën legjislacionin për të vendosur sanksione kompanive që po ndërtojnë tubacionin masiv nënujor, NordStream 2 për të sjellë gazin natyror nga Rusia në Gjermani.

Senati me lehtësi kaloi këtë projektligj si politikë e mbështetur nga Senatori Ted Cruz nga partia republikane dhe Jeanne Shaheen, nga ajo demokrate, që vendosin sanksione dhe kompanive që po e shtrojnë tubacionin për projektin 11 miliardësh, Nord Stream 2. Tani ai do të dërgohet tek Shtëpia e Bardhë ku Presidenti i SHBA’ve, Donald Trump pritet ta nënshkruaj.

Senatori Jim Risch, një republikan dhe kreu i komitetit për marrëdhënie me jashtë tha se sanksionet do të ndalojnë përfundimin e projektit dhe janë një “vegël e rëndësishme kundër përhapjes së ndikimit malinj të Rusisë dhe mbrojtjen e integritetit të sektorit energjetik europian”.

Projekti Nord Stream 2, i udhëhequr nga kompania që është pronë shtetërore ruse Gazprom, do t’i lejonte asaj të tejkalonte Poloninë dhe Ukrainën, duke e dërguar gazin natyror nën Detin Baltik për në Gjermani. Ligjvënësit amerikanë shpjeguan më tutje se Ukraina do të humbte miliarda dollarë nga tarifa tranzitore nëse ndërtohet.

Administrata amerikane e Trump, si ajo nën Obama më parë, e ka kundërshtuar këtë tubacion, duke thënë se do të rriste ndikimin politik rus në Europë.

Ministri i Jashtëm i Gjermanisë, Heiko Maas, i ka refuzuar këto sanksione si “ndërhyrje nga jashtë” por ka brengë se këto masa mund të ndikojnë në ngadalësimin e përfundimit të projektit.

Një dokument nga ministria e ekonomisë së Gjermanisë, të cituar nga gazeta gjermane Bildt, shfaqë besimin se sanksionet amerikane mund të godasin ndërtimin e tubacionit në bregdetin e Danimarkës. Projektligji shënjetstron kompanitë në Europën perëndimore që po shtrijnë tubacionin. Kompania zvicerane-daneze Allseas që po i shtrinë këtë tubacion afër ishullit Bornholm në Danimarkë.

Sanksionet do të obligonin Sekretarin e Shtetit Amerikan të përpiloj një raport brenda 60 ditësh për lundrueset që po shtrijnë tubacionin për projektin Nord Stream 2 dhe TurkStream. Nëse një kompani është e përmendur në raport, atëherë do të përfundoj në listën e zezë të Washington përveq nëse presidenti përcakton se kompania po pezullonte aktivitetin. Presidenti po ashtu mund të heq dorë nga sanksionet bazuar në konsideratat sigurisë kombëtare.

Zëvendës Kryeministri i Rusisë, Dmitry Kozak, ka thënë muajin e kaluar se Nord Stream 2 pritet të filloj veprimtarinë në mes të 2020’s, por Gazprom kishin njoftuar se afati varet edhe nga moti.