Presidenti amerikan Donald Trump ka thënë të dielën se republikanët po punojnë për një legjislacion që do të vendosë sanksione ndaj çdo vendi që bën biznes me Rusinë.
“Siç e dini, unë e sugjerova, kështu që çdo vend që bën biznes me Rusinë do të sanksionohet shumë rëndë”, u ka thënë Trump gazetarëve.
Ai ka shtuar se aty, “Ata mund të shtojnë edhe Iranin”, shkruajnë mediat e huaja, përcjell Telegrafi.
Kujtojmë se Trump e ka pozicionuar veten si një “paqebërës”, i vendosur të shtojë luftën në Ukrainë në listën e tij të konflikteve në të cilat ka luajtur një rol në përfundimin e tyre.
Megjithatë, përpjekjet e tij për ta shtyrë presidentin rus Vladimir Putin në tryezën e negociatave – së paku deri më tani – nuk kanë dhënë asnjë rezultat.
Në vend të kësaj, Putin është përqendruar në qëllimet e tij të luftës dhe madje ka intensifikuar sulmet e tij ndaj Ukrainës.
Kështu, Ukraina dhe aleatët e saj evropianë i kanë kërkuar Trump të ndërmarrë veprime më të ashpra në përgjigje të kokëfortësisë së Rusisë.
Dhe siç parashikojnë mediat, zbatimi i sanksioneve ndaj vendeve që bëjnë biznes me Rusinë do të ketë një ndikim të gjerë, duke përfshirë disa aleatë të SHBA-së dhe do të rrisë presionin mbi Rusinë dhe ekonominë e saj në vështirësi.
Nuk ka pasur kuorum për raundin e parë të votimit të Presidentit. 66 deputetë ishin…
Nuk ka pasur kuorum për propozimet e amendamenteve kushtetuese të propozuara nga presidentja Vjosa Osmani…
Televizioni shtetëror iranian raportoi mbrëmjen e së enjtes se dronët e Gardës Revolucionare ushtria ideologjike…
Deputetët e Kuvendit të Kosovës janë ftuar në seancën lidhur me amendamentet për zgjedhjen e…
Presidenti i Shteteve të Bashkuara, Donald Trump, ka thënë se dëshiron të përfshihet në zgjedhjen…
Presidentja Vjosa Osmani ka njoftuar se të enjten i ka dërguar në Kuvend amendamentet kushtetuese…