“Turqia po përballet një katastrofë” – Erdogan është i dëshpëruar: po marrim masat e nevojshme

Presidenti turk, Recep Tayyip Erdogan, tha të martën se vendi i tij po përballet me një katastrofë për shkak të rënies së nivelit të lindjeve.

Duke folur në Simpoziumin e Familjes, Kulturës dhe Artit në kryeqytetin Ankara, Erdogan foli për ato që ai i quajti “sfidat në rritje me të cilat përballet institucioni i familjes”.

Ai theksoi se Turqia po mbron familjen në një kohë kur kapitalizmi global po hap fronte të reja dhe imperializmi kulturor dhe mjedisi dixhital po intensifikohen në të gjithë botën. Ai paralajmëroi gjithashtu për një krizë demografike, duke thënë se Turqia “aktualisht po përballet me një katastrofë”.

Shifrat zyrtare tregojnë se shkalla e lindshmërisë në Turqi ka rënë nga 2.38 fëmijë për grua në vitin 2001 në 1.48 në vitin 2025, një shkallë më e ulët se në Francë, Britani të Madhe apo Shtetet e Bashkuara. Erdogan theksoi se rënia e shkallës së lindshmërisë po bie “kambana të forta alarmi për të ardhmen e Turqisë” dhe se “askush që interesohet për fatin e vendit nuk mund të mbetet indiferent”.