Ukrainasit vrasin 80 mercenarë rusë të Wagnerit dhe 119 tjerë i plagosin – e pësuan në Bakhmut derisa po tërhiqeshin

Serhiy Cherevatyi, zëdhënës i ushtrisë ukrainase tha se njësitë që operojnë në lindje të vendit, kanë arritur të eliminojnë 80 mercenarë të Wagnerit derisa ata po tentonin të tërhiqeshin nga qyteti.

“Ditëve të fundit kemi parë rritje të intensitetit të luftimeve mes nesh dhe rusëve”, tha Cherevatyi, duke theksuar se forcat pushtuese po ndërrojnë vazhdimisht taktikat e luftës me shpresën se do të arrijnë të fitojnë terren – por se sipas tij deri më tani një gjë e tillë nuk është realizuar.

Pamjet e filmuara me dron, shfaqin ushtarët ukrainas me tanke, mjete të ndryshme të blinduara që godisnin pa ndërprerë pozicionet e rusëve që po bëheshin gati të tërhiqeshin nga Bakhmuti.

Ata ishin zënë në befasi, pasi kjo mund të shihet edhe nga videoja, ku predhat i godasin krejt befasishëm, e këmbësoria fillon të ikë me shpresën se do t’i shpëtojnë vdekjes.