Në mesazhin e tij të Vitit të Ri, Vladimir Putin u shfaq i rrethuar nga trupat që luftonin në Ukrainë.
Në fakt, ai angazhoi “aktorët” për të luajtur ushtarët teksa ngrinte dolli për përpjekjet e tyre të luftës.
Akuza u shfaq në mediat sociale, por edhe nga gazetarët e CNN dhe Bild, ndërkohë që po qarkullojnë thashetheme të reja për gjendjen shëndetësore të Putinit.
Ndër të parët që u tall me “shtesat” e Putinit është Tadeusz Giczan, ish-kryeredaktori i Nexta, media opozitare bjelloruse.
“Një ushtar, një marinar dhe një i krishterë i devotshëm. Zoti lëviz në një mënyrë misterioze”, shkroi ai në Twitter duke iu referuar gruas bjonde.
Julian Röpcke, redaktor politike i Bild, ripublikoi gjithashtu një video në të cilën shihet duke thënë se ushtarët e plagosur rusë nuk duan të evakuohen nga fusha e betejës sepse dëshirojnë të vazhdojnë të luftojnë me shokët e tyre.
“Edhe diktatori duket i mërzitur me këtë propagandë të tmerrshme”, komenton Röpcke.
Edhe pse është i kamuflazhuar, dyshimi është se ai ka më shumë prezencë në skenë sesa përvojë në vijën e parë.
Kjo sepse gruaja misterioze – sipas disa raportimeve në mediat sociale – tashmë është shfaqur në një seri mundësish fotografike me Putinin: me një kostum marinari portokalli të papërshkueshëm nga uji në një varkë, pastaj me një vello në kokë si një besimtare e devotshme në kishë.
Dy nga “shokët” e tij ishin parë gjithashtu në video në një varkë me Putinin dhe në ceremoninë fetare, gjithmonë përkrah presidentit rus.
Disa kanë argumentuar se gruaja misterioze është Sergukhina Larisa Borisovna, një deputete e Dumës nga Rusia e Bashkuar, partia e Putinit.
Ajo ishte gjithashtu një nga “nënat speciale” të ushtarëve të pranuar në nëntor në Kremlin.
Presidenti ishte akuzuar tashmë majin e kaluar se kishte organizuar një vizitë në një spital ushtarak duke përdorur “aktorë”.
