Trupat ruse u kapen në kurth kur ushtria e Ukrainës nëpërmjet dronëve sulmues arriti t’i shënjestronte disa autoblinda ushtarake.
Sipas pamjeve të publikuara në mediat lokale ukrainase, dronët arritën që të qëllonin ndaj të paktën gjashtë autoblindave në fushë të hapur, derisa u filmua edhe një automjet që shfrytëzohej për bartjen e të plagosurve në luftë.
“Si rezultat i operacionit me dronë dhe reagimit të shpejtë, arritëm të shkatërronim brenda disa sekondave makineri luftarake të pushtuesve rusë”, thuhet në mesazhin e publikuar në Telegram.
Luftimet në Ukrainë janë duke vazhduar. Presidenti amerikan Donald Trump pati premtuar se do të arrinte të ndalonte luftën mes Ukrainës dhe Rusisë “brenda 24 orëve”.
Ai e ka quajtur “të pakuptimtë” luftën që më 24 shkurt bëhen tri vjet prej që ka filluar.
