Vetëm pak kohë pasi zyrtari i Vetëvendosjes, Glauk Konjufca tha se pati ndëhyrje politike, në mënyrë që Nisma ta kaloj pragun, ka ardhur reagimi nga përfaqësuesit e kësaj partie.
Kandidati për deputet nga Nisma, Endrit Shala i është kundërpërgjigjur Konjufcës.
Sipas tij, Vetëvendosje u mundua që të grabis mandatet e deputetëve.
Reagimi i plotë:
Gënjeshtra mbetet gënjeshtër edhe kur ajo përsëritet me mijëra herë! Kohërat kur përmes përsëritjes gënjeshtra shndërrohej në të vërtetë kanë kaluar!
E vërteta është krejt ndryshe nga ajo që thotë Konjufca i VV-së. Në fakt nuk është lënë gurë pa lëvizur, deri edhe me kërcënim të gjyqtarëve që mandatet që populli ia dha NISMA-s t’ia mundësojnë VV-së t’i grabisë!
