Vulini takon Shoigun: Situata në Kosovë, në prag të konfliktit

Zëvendëskryeministri i Serbisë, Aleksandar Vulin, takoi të hënën në Moskë sekretarin e Këshillit të Sigurisë së Rusisë, Sergei Shoigu, të cilin e informoi për “situatën aktuale” në pjesën veriore të Kosovës të banuar me shumicë serbe, duke pretenduar ndër të tjera se ajo është “në prag të konfliktit”.

“Ai e informoi Shoigun për situatën aktuale në Kosovë, për të cilën tha se është në prag të konfliktit dhe theksoi se politika e autoriteteve në Prishtinë është që të pastrohet etnikisht provinca jugore serbe nga serbët”, thuhet në njoftimin për shtyp të kabinetit të Vulinit, përcjellin mediat serbe.

Vulin, ish-drejtor i Agjencisë së Sigurisë dhe Informacionit (BIA) – është vendosur nën sanksione nga Shtetet e Bashkuara (SHBA) për shkak të lidhjeve jo normale me Rusinë. Vulin takoi më 4 shtator edhe presidentin rus, Vladimir Putin, në kuadër të Forumit Ekonomik Lindor (EEF).

Bashkimi Evropian (BE) theksoi javën e kaluar se raporteve normale Serbi-Rusi në kohën e agresionit kundër Ukrainës nuk është në përputhje me vlerat evropiane dhe procesin e anëtarësimit të Serbisë në BE. Megjithatë, pavarësisht thirrjeve dhe vërejtjeje, shteti serb vazhdon të marshojë sipas një daulleje krejt të ndryshme nga pjesa tjetër e bashkësisë perëndimore.

Ndryshe, aleanca midis Serbisë dhe Rusisë është themeluar mbi një ndjenjë të thellë pakënaqësie ndaj NATO-s për mbështetjen dhe krijimin e shtetit të pavarur të Kosovës. Rusia dhe Kina janë dy fuqitë e vetme që përsërisin rregullisht gatishmërinë për t’i ofruar Serbisë “garanci” se Kosova nuk do të fitojë njohje të plotë ndërkombëtare dhe ulëse në Kombet e Bashkuara (OKB).