Zbulohet rrjeta më e madhe e merimangës në botë në kufirin greko-shqiptar

Thellë brenda një shpelle të errët, të mbushur me squfur në kufirin shqiptaro-grek, në Sarantaporo është zbuluar rrjeta më e madhe e merimangës në botë. Studiuesit kanë zbuluar me më shumë se 111,000 merimanga.

Sipas një studimi të botuar në revistën Subterranean Biology, kolonia masive e merimangave përbëhet nga një rrjetë kolosale në një zonë përgjithmonë të errët të shpellës.

Rrjeta shtrihet rreth 350 metra përgjatë murit të një tuneli të ngushtë dhe të ulët pranë hyrjes së shpellës. Studiuesit vunë re se është një mozaik me mijëra rrjeta individuale, në formë hinke.

Kjo është prova e parë e sjelljes koloniale në dy lloje të zakonshme merimangash dhe ka të ngjarë të përfaqësojë rrjetën më të madhe të merimangës në botë.

Një ekip shkencëtarësh vizituan shpellën në vitin 2024, duke marrë mostra nga indet që Urak dhe i analizoi para se të niste ekspeditën e tij në Shpellën e Squfuri

Kjo analizë tregoi se kolonia ishte shtëpia e dy llojeve të merimangave: Tegenaria domestica, e njohur si merimanga e shtëpisë, dhe Prinerigone vagans një merimangë e vogël që e do ujin dhe që jeton në zona me lagështi.

Gjatë vizitës në shpellë studiuesit vlerësuan se kishte rreth 69,000 ekzemplarë T. domestica dhe më shumë se 42,000 ekzemplarë P. vagans. Analizat e ADN-së për studimin e ri konfirmuan se këto janë speciet dominuese në koloni.

Të dhënat molekulare treguan gjithashtu se merimangat në shpellë ishin gjenetikisht të ndryshme nga merimangat që jetonin jashtë, duke sugjeruar që banorët e shpellës janë përshtatur me mjedisin e tyre të ndotur.